Pidato Bahasa Jawa: Ngantenan
Assalamu’alaikum
Wr. Wb.
Agunging
pakurmatan konjuk dhumateng Bapak Lurah Kalurahan Bumirejo,
Ingkang
pantes pinundhi wakilipun saking penganten putri,
Saha para rawuh ingkang kinurmatan.
Sumangga
kita ngunjukaken puji syukur dhumateng Gusti Allah SWT ingkang sampun paring
rakhmat, hidayah, saha inayah satemah kita sedaya saged makempal wonten papan
kangge pahargyan ingkang sanget-sanget sae punika.
Sholawat saha salam mugi-mugi tetep
lumeberaken dening junjungan kita Nabi Agung Muhammad SAW ingkang kita tenggo
safa’atipun ing Yaumul Kiyamah. Amin Ya Robbal ‘Alamin.
Kula sakrombongan ngaturaken
agunging panuwun dhumateng panjenengan, anggenipun mangayubagya kula sakaluwarga
sowan ing kaluwarga Bapak Ibu Herman. Kula wakilipun saking kaluwarga penganten
kakung ngaturaken salam dhumateng kaluwarga Bapak Ibu Herman.
Salajengipun bapak ibu ingkang
kinurmatan, kula minangka wakilipun panjenenganipun Bapak Ibu Widodo saking
Dusun Klirong Kebumen sowan wonten dalemipun panjenengan minangka ndherek
pangayubagya acara punika. Kula sakrombongan saking penganten kakung namung
saged paring pakurmatan wonten acara resepsi kangge mangayubagya penganten ingkang
sampun dipun kaijabaken nalika tanggal 10 September 2013 kanthi wilujeng mboten
wonten alangan setunggal menapa.
Bapak ibu ingkang kinabekten,
Sumangga
kula pasrah dhumateng Bapak Ibu Herman ingkang asma Dhimas Putra Widodo. Mugi
dipun tampi amargi sampun dados garwanipun ingkang putri asma Sekar Ayu
Pertiwi. Lare kula tesih cubluk, kirang pengalaman, sumangga bapak ibu supados
maringi pangandikan supados anggenipun bebrayan sagedta atut rukun wilujeng
kados mimi lan mintuna.
Wasana, sumangga dipun suwunaken
dhumateng Allah SWT mboten wonten alangan setunggal menapa. Mugi-mugi penganten
sarimbit dados kaluwarga ingkang sakinah mawadah warohmah, mboten wonten perkawis
ingkang ngribeti dhateng kaluwarga. Mugi-mugi enggal dipun paringi momongan
ingkang sholeh sholehah. Mugi-mugi tansah langgeng gesangipun dumugi
kaken-kaken ninen-ninen, Amin. Mekaten ingkang saged kula aturaken, mbok bilih
anggenipun kula matur wonten klenta-klentunipun kula ngaturaken agunging
pangapunten.
Wassalamu’alaikum Wr. Wb.
Categories:
Bahasa Jawa,
Pendidikan
0 comments:
Post a Comment